Xoş gəlmişsiniz,

 

Türkiyə  və qabaqcıl qərb ölkələri universitetlərinin  müasir təhsil  proqramlarını, tədris vəsaitlərini uğurla tətbiq edən Qafqaz Universiteti Azərbaycan elmi-pedaqoji ictimaiyyətinin yüksək etimadını və rəğbətini qazanmışdır. Ciddi təhsil sistemilə  fərqlənən Universitetin müxtəlif ölkələrdən  gəlmiş müəllim və tələbələri onun beynəlxalq səciyyə daşımasının bariz dəlilidir. Dünyanın  nüfuzlu universitetləri  sırasında  yerini tutmaq  Qazfqaz  Universitetinin  başlıca məqsədidir.

        Fəaliyyət  göstərdiyi müddət  ərzində  daima qabaqcıl  təhsil  texnologiyalarını Azərbaycanda ilk dəfə  gerçəkləşdirən Universitet  bir  çox vacib  yenilikləri   həyata  keçirmişdir.  1993-cü ildən etibarən  tətbiq  edilən kreditli dərs  keçmə sistemi, Azərbaycan Respublikası Təhsil Nazirliyi tərəfindən verilmiş  pilot  ali  təhsil müəssisəsi statusu, TSE-EN-İSO 9001:2000  keyfiyyəti idarəetmə sistemi sertifikatının alınması, nəhayət  20 hektarlıq  ərazidə müasir universitet şəhərciyinin salınması bu yeniliklərin sadəcə bir qismidir.  Tələbələr birinci ili dil və ixtisas hazırlığı olmaqla beşillik bakalavr təhsilində seçdikləri ixtisası ən mükəmməl şəkildə qavramaqla yanaşı, kompüter texnologiyasını və iki xarici dili ( türk və ingilis dilləri) də öyrənirlər.

         Universitetin müasir dünyanın tələblərinə uyğun şəkildə və   Vətən, millət sevgisi, umumbəşəri və milli dəyərlərə  hörmət  ruhunda yetişdirdiyi kadrların ölkə daxilində və xaricində Azərbaycanı uğurla təmsil etmələrini isə ən böyük nailiyyət olaraq qəbul etmək olar.

           

            Hörmətlə.

Prof.Dr. Əhməd Saniç

Rektor